बागलुङ, २०७५ माघ ११ । जिल्ला सहकारी संघ लिमिटेड बागलुङले संघका अध्यक्ष दिपक गौतमका पिताको निधन प्रति दुख व्यक्त गर्दै बिहीवार श्रद्धाञ्जली अर्पण गरेको छ । संघका अध्यक्ष गौतमका पिता बालानन्द गौतमको ८५ वर्षको उमेरमा माघ ६ गते बागलुङ नगरपालिका वडा नं. ३ बुद्धचोकस्थित निवासमै निधन भएको थियो ।
संघका उपाध्यक्ष अशोकगोविन्द राजभण्डारीले संघको तर्फबाट शोक पत्र परिवारका सदस्य कुमार पौडेललाई हस्तान्तरण गरेका थिए । शोकपत्रमा संघका अध्यक्ष गौतमका पिताको निधनले संघ परिवारलाई स्तब्ध तुल्याएको उल्लेख छ । दुखको यस घडीमा स्वर्गीय गौतमप्रति श्रद्धाञ्जली अर्पण गर्दै संघले शोक सन्तप्त परिवारजनमा समवेदना प्रकट गरेको छ ।
संघका सल्लाहकार तथा राष्ट्रिय सहकारी बैंकका सञ्चालक रामबहादुर जिसी, संघका सचिव तेजेन्द्र बहादुर थापा, कोषाध्यक्ष अञ्जु जिसी, सञ्चालकहरु धु्रवप्रसाद शर्मा, र रतनप्रसाद मलेपति, प्रवन्धक पुजन शर्मा लगायतले स्वर्गीय गौतमप्रति श्रद्धाञ्जली अर्पण गरेका थिए ।
