कमल पौडेल, बडीगाड, बागलुङ २०७५ माघ ११ । त्रिभुवन नमुना माध्यमिक विद्यालय बडिगाड गाउँपालिका वडा नं. २, खर्वाङमा आज एक कार्यक्रमका विच अंग्रेजी माध्ययम तर्फको तेश्रो त्रैमासिक परीक्षाको नतिजा सार्वजनिक गरिएको छ । पुस २५ गते देखि भएको परीक्षाको नतिजा प्रकाशन गरिएको हो। सो कार्यक्रमममा प्रत्येक कक्षामा प्रथम व्दितिय तथा तृतिय हुने विद्यार्थीहरुलाई पुरस्कृत गरिएको छ ।
कार्यक्रममा नेपाली माध्यम तर्फको अर्धवार्षिक परीक्षामा प्रथम, व्दितिय तथा तृतिय भएका विद्यार्थीहरुलाई पनि पुरस्कृत गरिएको थियो ।
कार्यक्रम विद्यालय व्यावस्थापन समितिका सदस्य दुर्गा अर्यालको अध्यक्षता, प्रधानाध्यापक ढालमणि भण्डारीको स्वागत मन्तव्य तथा शिक्षक वुद्धिवल चालिसेको सञ्चालनमा सम्पन्न भएको थियो ।
विद्यालयमा कक्षा नर्सरी देखि कक्षा ९ सम्म अंग्रेजी माध्ययम, कक्षा ४ देखि १२ सम्म नेपाली माध्ययम तथा कक्षा ९ वाट प्राविधिक धार तर्फ कृषि वालि विज्ञान विषयमा शिक्षण हुँदै आएको छ ।
