बागलुङ २०७५ माघ १५ । केहि समय अघी (राति ८ बजेको समयमा) हल्लनचोक स्थित एक रेष्टुरेण्टबाट प्रहरीले नियन्त्रित लागु औषध सहित एक युवकलाई नियन्त्रणमा लिएको प्रत्यक्षदर्शीले बताएका छन् ।
रेष्टुरेण्ट प्रमिस जिमिस्ति भित्र नियन्त्रित लागु औषध सेवन गरिरहेको मौकामा प्रहरीले छापा मार्दा दुर्व्यसनीहरुले लागु औषध रेष्टुरेण्ट देखी बाहिर पट्टीको खेतमा फालेको पनि प्रतक्षदर्शीले बताए ।
लागु औषध सहित दीपेन्द्र कार्कीलाई नियन्त्रणमा लिएको र अन्यको खोजी भैरहेको प्रहरी निरीक्षक परशुराम मल्लले जानकारी दिए । प्रहरीले लागु औषध प्रयोग गर्ने केहि सिरिन्ज र केहि मात्रामा नियन्त्रित लागुऔषध समेत बरामद गरेको जनाएको छ ।
केहि दिन पहिले बानपा ४ उपल्लाचौरको विजय खाजाघरबाट ठुलो मात्रामा नियन्त्रित लागु औषध सहित होटलकी सन्चालिका शान्तिदेवी कुँवरलाई प्रहरीले नियन्त्रणमा लिएर कार्बाही अगाडी बढाएको छ ।
