अमेरिका, २०७३ चैत १० । नेपाली संगीतको इतिहासमा आज एउटा ईटा थपिएको छ । धेरै पहिलादेखिको कडा मेहेनत र लगन पछि गायक नारायण गजमेरले “निश्चल” नामक म्युजिकल एल्बम बजारमा ल्याएका छन् ।
तरन ईन्टरटेन्ट द्वारा संयुक्त राज्य अमेरिकाको सिकागो शहरमा आयोजना गरिएको एक भव्य कार्याक्रममा ख्यातिप्राप्त गायक निमा रूम्बाको हातबाट यो एल्वम बिमोचन भएको थियो ।
कार्यक्रममा ख्याति प्राप्त गायक निमा रूम्बा र बेन्ड द्वारा नेपाली गीत संगीत प्रस्तुत गरिएको थियो । भौतिक रूपमा बिदेशी भुमीमा रहेता पनि तन मन नेपालमै रहेको नारायण गजमेर बताउँछन् । उनी यतिखेर नेपाली कला संस्कृतिलाई जोगाई राख्न लागिपरेका छन । अर्काको देशमा गएर दुःख गरेर समेत नेपाली गीत संगीतमा समय खर्चिने धेरै व्यक्तिहरुको सुचीमा रहेको छन उनी । त्यहि सूचीभित्र पर्न सफल एक नाम बनेका छन् गजमेर ।
बहुमुखी प्रतिभाको धनी उनी निरन्तर रुपले नेपाली गीत संगीतमा अग्रसर रुपमा लागेका छन् । धेरै उत्कृष्ट गीत संगीतहरु नेपाली दर्शक श्रोताहरुलाई प्रस्तुत गरेर सबैको मनमा आफ्नो छुट्टै पहिचान बनाईसेका उनले आफ्नो प्रस्तुतिलाई अझै बढी निखार्दै गईरहेका छन् ।
त्यसको फलस्वरूप उनले बिभिन्न गीतकारहरूको शब्दलाई बरिष्ट संगितकारहरूको धुनमा गायक गजमेरको स्वरमा सात वटा गीत समाबेश गरिएको छ । गीतहरु मार्मिक अनि सान्दर्भिक र मनोरंजनात्मक रहेका छन् ।
नेपाली गीत संगीतमा निरन्तर रुपमा लागि परेका गायकले सोही एल्बम भित्र रहेको हेप्पी भेलेन्टाईन नामक गीतको म्यूजिक भिडियो भर्खरै युटुबमा रिलिज गरेका छन् । मेहेनत र लगनको हिसाबले दर्शक श्रोताहरुले पनि उनलाई धेरै माया र साथ दिइरहेका छन् । त्यहि माया र साथले नै आफुलाई उर्जा मिल्ने र अझै राम्रो प्रस्तुति बाहिर लिएर आउन सक्ने कुरा गायकले प्रष्ट पारेका छन्
