भरत सापकोटा, बिहुँ २०७५ चैत २४ , बिहुँकोट राममन्दिरमा आयोजित महायज्ञको दोस्रो दिन रु ७ लाख रुयैयाँ संकलन भएको छ । बर्षाको कारण महायज्ञ प्रभावित भएको आयोजकले बताएका छन् । बाग्लुङ जिल्लाको काँठेखोला गाउँपालिका वडा नं ६ पौवाडांडा बिहुँ स्थित परमेश्वर राममन्दिर पुन निर्माण गर्ने उदेश्यले हिजो देखि संचालित महायज्ञको दोस्रो दिन आज रु ७ लाख ५ हजार १सय ७९ रुपैयाँ संकल भएको मुल समितिका कोषाध्यक्ष थानेश्वर कडेलले जानकारी दिए ।
हिजो पहिलो दिन २७लाख २० हजार ७७७संकलन भएको र महाग्य मा आजसम्म कुल ३४लाख २५हजार ९सय ४५ संकलन भएको उनले बताए । ०७२ सालमा आएको बिनाशकारी भुकम्पले पुर्ण रुपमा क्षति पुर्याएको यस मन्दिर बजेट अभावमा अलपत्र परेपछि महायज्ञको आयोजना गरिएको अध्यक्ष टिकाराम कडेंलले बताए । उनले भने सानोतिनो बजेटले निर्माण गर्न सकिन्छ कि भनेर विभिन्न संघ संस्थाहरुले दिईएको रकमले निर्माण गर्ने योजना त बनायौँ तर त्यो बिचमै अलपत्र पर्ने देखेपछि महायज्ञ आयोजना गरिएको जनाकारी दिए। कार्यक्रममा प्रखर युवा पण्डित भरत सुवेदीको प्रमुख बाच्कत्व मा चलिरहेको यस महायज्ञमा संचलान सचिव शिवलाल कडेंल रहेको छ।
