सचिन्द्र श्रेष्ठ,पर्वत २०७६ बैशाख ४ । नया बर्ष २०७६ को आगमन सँगै गायक जोहेब मानन्धर र गायिका सुधा खड्काको नया गीत सार्बजनिक भएको छ। निकै नै मीठो मेलोडी , शब्द र आवाज को समिश्रण रहेको ‘यो जिन्दगी’ बोलको गीत अहिले सबैले रुचाइरहेको पाएको छ।२ दशक सांगीतिक क्षत्रमा बिताइसकेका चर्चित गायक जोहेब मानन्धर को आफ्नै शब्द र सङीत रहेको यस गीतमा नव गायिका सुधा खड्का सँगको तालमेल बेजोड रहेको छ।
अमेरिकामा बसोबास गर्ने गायिका सुधा खड्काको यो भन्दा अगाडि पनि केहि गीत चर्चामा थिए। तर duet को रुप मा उहाँको यो पहिलो गीत रहेको छ।धेरै माया प्रेमको गीत सुनेर वाक्क दिक्क भैरहेको श्रोता लाई यस गीत ले रिफ्रेश बनाएको छ। जिन्दगीको बारेमा निकै नै मीठो भाव ब्यक्त गरेर लेखेको गीत एकदम सान्दर्भिक देखिन्छ।यस गीतको भिडियोमा गायक जोहेब आफै प्रस्तुत भएका छ्न भने मोडेलको रुपमा रचिता छेत्री रहेकी छिन। गीतको मीठो अरेन्जमेन्ट सन्दिप कार्कीको छ भने मिक्स मास्टर अशोक महर्जन को छ।
क्यामेरा र सम्पादन भिडियो मेकर रन्धिर श्रेस्ठ(Aras Post Production) को छ। मेक अपमा बीना र कृति छन भने साना साना बालबालिकाको साथका लागि Motherhood child care center को सहभागिता रहेको भिडियोको निर्देशन स्वयं मानन्धरले गरेको छन।
“जिन्दगीको बारेमा लेखिएको यो गीतमा मैले जिन्दगीको यथार्थ ब्यक्त गर्न खोजेको छु। शब्द अलि भावुक जस्तो देखे पनि सङीतको पक्षले त्यस्मा रमाइलो रङ भर्ने कोसिस गरेको मानन्धर बताउँछन्।”
