झम सिर्पाली, निसीखोला २०७६ बैशाख ७ । निसीखोला गाँउपालिका वडा नं २ बायखोलाको चोडारमा आज बिहान साढे ९ बजेको समयमा बङ्गालोमा आगलागी हुँदा ३ बर्षिय बालकको जलेर मृत्यु भएको छ ।
बच्चाहरुले नै आगो सल्काउन खोज्दा भएको आगलागीबाट निसिखोला गाउँपालिका वडा नं २ बायखोलाका बिर्ख बहादुर सुनारका छोरा बिशाल सुनारको जलेर ज्यान गएको बताईएको छ ।
आगलागीबाट करिव ५ लाखको क्षति भएको अनुमान गरिएको इलाका प्रहरी कार्यलय बुर्तिबाङका प्रहरी नायब निरीक्षक राजु लामाले जानकारी दिए । बालकको शवलाई पोष्ट्मार्टमका लागि बुर्तिवाङ स्वास्थ्यचौकीमा लगिएको छ ।
यसैविच शुक्रबार निसिखोला गाउँपालिकाकै वडा नं २ अर्नाकोटमा स्थानीय खल बहादुर कुवँरको गोठमा आगलागी हुँदा दुईवटा भैंसी जल्नुका साथै गोठ समेत जलेर पुर्ण रुपमा जलेर नष्ट भएको थियो । घटनास्थलमा हिंजै इलाका प्रहरी कार्यलय झिवाखोलाबाट प्रहरी आई रु १ लाख बराबरको क्षति भएको मुचुल्का उठाएको निसीखोला गाउँपालिका वडा नं २ का वडाध्यक्ष कुविर विश्वकर्माले जानकारी दिए ।
