निर्मल पौडेल पर्वत २०७६ जेठ २० । जलजला गाउँपालिको गाडीमा अज्ञात समुहद्धारा आगजानी भएको छ । आइतवार राति गाउँपालिकाको ग १ ज ६५५४ नम्वरको मल्लाज एक्प्रेस जिपमा आगाजानी भएको हो । गाउँपालिका वार्ड नम्वर ४ को वडा नजिकै फड्केढुङ्गा भन्ने स्थानमा पार्किङ गरेर राखिएको अवस्थामा आगाजनी भएको हो । राती जुटको वोरामा पेट्रोल भिजाएर गाडीमा आगो लगाएको पाईएको स्थानिय हरी जि.सीले जानकारी दिएका छन् ।
स्थानिय लालवहादुर मल्लको नाममा रहेको जिप गाउँपालिकाले भाडामा लिएर सञ्चालन गरिरहेको थियो । आगजानीवाट जिपको ३ वटा टायरमा क्षती पुगेको वताईएको छ । आगजानीको कारण अहिले सम्म खुल्न सकिरहेको छैन । अनुसन्धानका लागी जिल्ला प्रहरी कार्यलय पर्वतवाट प्रहरी निरिक्षक रविन्द्र श्रेष्ठको नेतृत्वमा एक टोली घटनास्थल पुगेको र अनुसन्धान भईरहेको पर्वत प्रहरीले वताएको छ । जिप भाडामा लिने क्रममा पनि प्रतिनिधि र स्थानियहरुविच पनि कस्को लिने भन्ने विषयमा विवाद भएको थियो ।
