खगेन्द्र विश्वकर्मा, ताराखोला २०७६ जेठ २१ । नेकपा ताराखोलाका अध्यक्ष दिवश खत्रीले अब नेकपा साच्चिकै परिवर्तन र विकास प्रेमी बन्ने बताएका छन् ताराखोला गाउपालिका वडा न ५ हिलेमा रहेको मिरमिरे युवा क्लबले आयोजना गरेको कार्यक्रमको उद्घाटनका क्रममा प्रमुख अतिथी खत्रीले यस्तो बताएका हुन् ।
उनले विगतका बर्षहरुबाटै त्यस कार्यक्रमलाई निरन्तर सहयोग सद्भाव राखेको आयोजकको भनाई थियोे । उनले ताराखोला गाउपालिकाको नेकपा अध्यक्ष भएपछि अब थप अवसर चुनौति संग लड्नु पर्ने भएको छ । हिजोका सहयात्रीहरु कोहि राम्रो कोहि नराम्रो काममा तल्लिन भएकोले उनिहरुलाई मुल धारमा ल्याई सामाजिक विकास र एकता अगाडि बढाउने अध्यक्ष खत्रीले बताए ।
कार्यक्रममा वडान ५ का जनप्रतिनिधि मनबहादुर रोका र नेपाल माध्यमिक विद्यालयका प्रध्यानाध्यापक थमप्रसाद रोकाले मनतव्य राखेका थिए । थमप्रसाद रोकाले शिक्षा क्षेत्रलाई अगाडि बढाउने किसिमका कार्यक्रम क्लबले अगाडि बढाउनु पर्ने धारणा व्यक्त गरे । उद्घाटन कार्यक्रम सोमबारभएको थियो । क्लबका अन्य खेलकुद तथा मनोरञ्जनात्मक कार्यक्रम चलिरहेको कल्वले जानकारी दिएको छ ।
