शेखर थापा, बरेङ २०७६ असार १४ । बरेङ गाउँपालिकाको बाटाकाचौर नयाँ बजार देखी ४ जना यात्रुहरु लिएर बागलुङ बजार जानेक्रममा हुग्दीसिरमा रोकी राखेको ध १ ज ४९१ नंको यात्रुबाहक जीप एक्कासी पल्टिएर दुर्घटना हुँदा नयाँ बजारकी ७५ वर्षिया एक बृद्धाको मृत्यु भएको छ । गाडी एक्कासी गुड्न लागे पछी विष्णुमायाँ खत्री हामफाल्दा उनको छातीमा चोट लागी मृत्यु भएको प्रत्यक्षदर्शीले बताएका छन् ।
चोकमा रोकी राखेर जीप चालक हिरा काउचा यात्रु बोलाउन जाँदा आकाश्मात गाडी गुडेपछि अत्तालिएर गाडीबाट हाम फाल्दा खत्रीको छातीमा चोट लागेको थियो भने हुग्दिशिर बाझाडीकी डेढ बर्षीय टेरिसा परियारलाई आफ्नी आमाले बचाउन गाडी बाहिर फाल्दा खुट्टा फ्याक्चर भएको थियो ।
घाईतेहरुलाई उपचारार्थ मिसन अस्पताल पाल्पा लैजाने क्रममा बाटाकाचौरको नयाँबजार पुग्दा खत्रीको मृत्यु भएको ईलाका प्रहरी कार्यालय बरेङ डाँडाका ईन्चार्ज नरेन्द्र जंग कार्कीले बताए । मृतकको शवलाई पोष्टमार्टमका लागि बागलुङ सदरमुकाम पठाउने तयारी भइरहेको छ ।
