गाडी दुर्घटनामा परी घाइते भएका रोकालाई जापानबाट आयो रु ४ लाख आर्थिक सहयोग !

खगेन्द्र विश्वकर्मा, ताराखोला २०७६ साउन १८ । गाडी दुर्घटनामा परी घाइते भएका बलबहादुर रोकालाई ताराखोला समाज जापानव्दारा आर्थिक सहयोग गरिएको छ । गत २०७३ साल फागुनमा ताराखोला गाँउपालिका २ अर्गलको सिले देखि अर्गल आउने क्रममा गाडी दुर्घटनामा परि घाइते भएका ताराखोला गाँउपालिका २ अर्गलका ४२ वर्षिय बल बहादुर रोकालाई एक कार्यक्रमका बिच सहयोग हस्तान्तरण गरिएको हो । जापानमा हेमन्त नाइसा मगर र झक थापा मगरको संयुक्त नेतृत्वमा ताराखोला समाजका अध्यक्ष केदार थापा उपाध्यक्ष अनुप केसी, याम नइन्द्र थापा ,डम्मर थापा महा सचिव बुद्धि बहादुर थापा , विष्णु केसी कडेल सह सचिव लाल बहादुर घर्ती मगर कोषाध्यक्ष डम्मर बहादुर घिमिरे लगायतका सदस्यहरुबाट संकलित नगद रु ३ लाख ९७ हजार ४ सय ५० रुपैया र स्थानियहरुबाट संकलित ६२ हजार ५५ रुपैया गरि जम्मा ४ लाख ६० हजार १०५ रुपैया रोकाको परिवारलाई हस्तान्तरण गरिएको हो । घाइते भएका रोकाको ढाड तलको अङ्ग नचल्ने भएपछि बैदेशिक रोजगारीको शिलशिलामा जापानमा भएका ताराखोलाबासीको सहयोगमा आर्थिक सहयोग गरि रकम हस्तान्तरण गरिएको बागलुङ सेवा समाज दोहा कतारका पुर्व अध्यक्ष बालसिँह परियारले जानकारी दिए ।

सहयोग हस्तान्तरण कार्यक्रममा तारखोला गाँउपालिका वडा नं २ का वडा अध्यक्ष भद्रबहादुर घर्तीमगर, श्याम नाइसा मगर, स्थानिय जनप्रतिनिध, लगायतको उपस्थिती रहेको थियो ।

ताराखोला गाँउपालिका बहराइनमा सेवा समाज बागलुङका जीवन रोकाको सक्रियतामा संकलन भएको आर्थिक रकम गायिका खिमा रोकाको नाममा आइसकेको र केहि दिनपछी उक्त रकम समेत पीडित परिवारलाई हस्तान्तरण गर्ने कार्यक्रम रहेको बताइएको छ ।

त्यस्तै वैदेशिक रोजगारीका लागि कतारमा भएका ताराखोलाबासीले उपेन्द्र बिक, सूर्य घर्ती, ज्ञानेन्द्र घर्तीको नेतृत्वमा सहयोग संकलन गर्ने कार्यक्रम सञ्चालन भईरहेको जानकारी गराईएको छ ।

कार्यक्रममा जापान, कतार, साउदी, बहराइनमा रहेका नेपालीहरुले गठन गरेको समाज ताराखोला समाजको लागि बागलुङ सेवा समाज दोहा कतारका पुर्वअध्यक्ष बालसिँह परियारले समाजका हुने यस्ता घटनाबाट पीडित भएका व्यक्तिहरुलाई ताराखोलावासीहरुले गरेको अतुलनीय योगदानको कदर गर्दै सहयोग गर्ने सहयोगदाता, समाजका विभिन्न प्रतिनिधिहरुलाई धन्यवाद दिदै आगामी दिनमा पनि समाजमा हुने यस्ता खालका घटनामा हातेमालो गर्दै जाउन भन्दै शुभकामना समेत व्यक्त गरेका थिए ।

कार्यक्रम ताराखोला गाँउपालिकाका अध्यक्ष प्रकाश घतीको प्रमुख आतिथ्यता बागलुङ सेवा समाज दोहा कतारका पुर्वअध्यक्ष बालसिँह परियारको अध्यक्षता मन बहादुर घर्तीको स्वागत र अर्गल माध्यमिक विद्यालय ताराखोला गाँउपालिका वडा नं २ का प्रध्यानाध्यक गणेश घर्तीको सञ्चालनमा सम्पन्न भएको थियो ।

फेसबुकमार्फत कमेन्ट गर्नुहोस !