पाण्डबखानी रमुवा हुँदै खोलाखर्क मोटरबाटो पहिरोले अवरुद्ध !

सुरेश छन्त्याल, गल्कोट पाण्डबखानी २०७६ साउन २१ । गल्कोट नगरपालिका १० पाण्डबखानीको रमुवा हुँदै बडीगाड गाउँपालिकाको खोलाखर्क जोड्ने मोटरबाटो पहिरोले अवरुद्ध बनेको छ ।

अस्ति अविरल वर्षाका कारण पाण्डबखानीको रमुवा हुँदै खोलाखर्क जोडने मोटरबाटो हुल्से भन्ने ठाउँमा माथिबाट खसेको पहिरोले बाटो अवरुद्ध हुदा यात्रुहरुलाइ यात्रा गर्न निकै सास्ती भएको छ । पहिरो अन्दाजी २० मिटर तल खसेको पाण्डबखानी माविका निमित्त प्रअ नन्द पुनले जानकारी दिए ।

त्यस्तै गलकोट नगरपालिका ७ मल्म हुँदै गल्कोट नगरपालिका १० पाण्डबखानीको सोरमने,पुर्से र सुनपानीको बाटो विच९ विच र विभिन्न स्थानमा साना तथा ठुला पहिरोले जादा जोखिमपुर्ण यात्रा गर्नु परेको यात्रु तथा सवारी चालकहरु बताउँछन् । त्यस्तै मोटर बाटो मर्मत गर्नका लागि भनेर रकम आउछ तर बाटो मर्मत हुदैन । त्यो रकम कहाँ जान्छ हामीलाई थाहनै हुदैन भन्ने स्थानीयहरुको भनाइ रहेको छ। विशेषगरी मुख्ने नाका मल्ममा नै बाटो मर्मत भएको छैन । मल्मका बासिन्दाहरुले बाटो मर्मत गर्न साथ यात्रा गर्न सहज हुने दिप घर्तीले बताए।

मल्मको बाटो मर्मत हुँदा साथ पाण्डबखानीमा ट्याक्सी, बस समेत आउन सक्ने घर्तीको भनाइ रहेको छ।

फेसबुकमार्फत कमेन्ट गर्नुहोस !