प्रेम सुनार, गुल्मी २०७६ भदौं ११ । दाई, मैले विहे गर्दैछु भन्दै थिए ती भाईले । कहिले ? को संग ? को खोजीनिती गर्ने क्रममा सम्वन्धित किशोरीको परिचय पनि दिएका थिए उनले । अहिलेको मायाँ प्रेमको चक्कर पनि बडाे गजवको रहेछ आज विहान आँखा जुधाई साँझपख गहिरो प्रेम । अनि सके उसै राति नभए भोलि त शारीरिक सम्पर्क निश्चित !
त्यो पनि केटा पक्षले धेरै कर गर्नै नपर्ने । अर्को पक्षबाट एक वचन फाल्यो कि त हार्दिक स्वागत अभिवादन…कार्यक्रम … को तर्फबाट ! ती भाईकोमा पनि त्यही भयो । त्यस “स्वागत सत्कार ” कार्यक्रम उनले नसोचेको समय भन्दा धेरै छिटो तय भयो ।
“अभिनन्दित” कार्यक्रममा लगाईने औपचारिक पोशाक सहित आयोजकबाट “अभिनन्दित ” पनि भए उनी । तर त्यो “अभिनन्दन” आफैले मात्र ग्रहण गर्न चाहेनन । अफ्नो जस्तै आत्मा अरुको पनि हुन्छ भनेर मनकारु उनले सथीलाई पनि बाँड्न चाहे ।
“ आयोजक” पक्ष पनि त्यस्तै मनकारु ! हो त नि साँच्ची भन्दै अभिनन्दनको “पुष्पनगुच्छा”ले स्वागत गरिन् । “कार्यक्रम” दुबै पक्षका लागि बढो सुखद र शौहार्दपुर्ण रुपमा सम्पन्न भएकै थियो ।
तर त्यस औपचारिक कार्यक्रमम समापन पछिको “मञ्च ब्यवस्थापन” गर्न नपाउँदै प¥यो अभिभावकबाट उजुरी , आयो प्रहरी समात्यो र कोच्यो कष्टडीमा केहि दिन पछि सुन्छु पुर्पक्षका लागि जेल चलान ।
उनको उनकीको त के जान्थ्यो र ? त्यही औपचारिक “कार्यक्रम”मा केहि खर्च भए होला तर गयो जिन्दगी ती भाईको ! “स्वागत अभिवादन कार्यक्रम ” अर्थात उनीहरु दुबै जनाको राजीखुशीमा भएको शारीरिक सम्वन्ध थियो त्यो ।
तर मुलुकी आचार संहिता २०७४ ले त्यसो भन्दैन । गुल्मीका प्रहरी प्रमुख एसपी दिपक बस्नेतका अनुसार १८ बर्ष मुनीका किशोरीहरुलाई मुलुकी आचार संहिताले नावालिका भनेको छ । त्यो उमेर देखि तलकालाई राजीखुशी मैं शारीरिक सम्वन्ध राखे पनि जवरजस्तीकरणीको मुद्दा लाग्ने गर्दछ ।
युवतीको विवाह गर्ने उमेर २० बर्ष हो , त्यो भन्दा कम उमेरमा विवाह गरिएको भए बदर हुन सक्छ । यसर्थ आम पुरुषहरुले यहि मुल मन्त्र मनमा राख्नु होस कि –“कलिलो जवानी जिन्दगी बगाउने भेल, आज सम्वन्ध भोलि जेल … ”
