राम प्रसाद घिमिरे, बागलुङ २०७६ भदौ १२ । काठेखोला गाउँपालिका ७ रेशको स्टार युथ क्लबले हिन्दु नारीहरुको महान पर्व हरितालिका तीजको अवसर पारेर यहि भदौ १३ गतेदेखि १६ गते तीज गीत तथा विविध खेलकुद कार्यक्रमहरुको आयोजना गरेको छ।
हरेक वर्ष गरिदै आईरहेको तीजमेलाको निरन्तरिता स्वरुप यसवर्ष ६० हजार ६० राशीको साविक वडा स्तरिय खुल्ला पुरुष भलिबल प्रतियोगिता आयोजना गरएको क्लवका अध्यक्ष तथा कार्यक्रम संयोजक दिल बहादुर कार्कीले बताए । भलिबल प्रतियोगिताका उप(बिजेताले ४० हजार ४० र तृतीय हुने टिमले १५ हजार १५ रुपैयाँको प्राप्त गर्ने अध्यक्ष कार्कीले बताए ।
यस्तै मेलामा सामुदायिक तीजी गीत प्रतियोगिता, एकल नृत्य प्रतियोगिता, सोलो बाईक रेस प्रतियोगिता र रस्साकस्सी प्रतियोगिता रहेको आयोजकले जनाएको छ ।
तीजी गीत प्रतियोगितामा प्रथम हुने समुहले ५ हजार रुपैयाँ व्दितिय हुनेले ३ हजार र तृतीय हुनेले २ हजार रुपैयाँ प्राप्त गर्ने आयोजकले जनाएको छ । तीज हिन्दु नारीहरुको महान चाड भएकाले मेलामा तीजी गीत प्रतियोगिता राखिएको आयोजकले बताएको छ ।
मेलामा नेपाल आईडलका उप(विजेता बिक्रम बराल, राष्ट्रिय कलाकार ईशवर सिहं, निता पुन लगायत अन्य स्थानीय कलाकारहरुको साङ्गीतिक प्रस्तुति समेत रहने जनाइएको छ । मेला संचालनको लागि अनुमानति ८ लाख खर्च लाग्ने आर्थिक समितिका सदस्य रोशन कुँवरले जानकारी दिए ।
