सुरेश छन्त्याल, पाण्डबखानी २०७६ भदौ १२ । गलकोट नगरपालिका १० पाण्डबखानीमा रहेको नव ज्योति प्राविमा भेटघाट तथा सम्मान कार्यक्रम सम्पन्न भएको छ। नव ज्योतिका पूर्व शिक्षिक हाल जापानबाट पाण्डबखानी आएकी पाण्डबखानी समाज जापानकी सदस्य दिल माया छन्त्याल श्रीसलाई बिद्यालयले सम्मान गरेको छ।
नव ज्योति प्राविका व्यवस्थापन समितिका अध्यक्ष कमला थापाको अध्यक्षतामा भएको कार्यक्रममा गलकोट नगर सभाका सभा सदस्य गणेश शेरचन,गलकोट नगरपालिका १०का वडा सदस्य धनबहादुर सुनार, समाजसेवी मानसिंह छन्त्याल,रामप्रसाद छन्त्याल,लाल बहादुर विक भिम श्रीस,कृष्ण सुनार लगाएतको सहभागीता रहेको थियो।
आफु जापान भए पनि आफ्नै गाउँ ठाउँको माया ममता रहेको त्यसमा आफुले त्यहि स्कुलमा २०७० सालमा पढाएको र नव ज्योति प्राविलाई शिक्षाको गुणस्तर अझ माथी लैजान लागि रु २५ हजार विद्यालयलाइ हस्तान्तरण समेत गरिन। त्यस्तै असार सम्मको विद्यार्थीहरुका खाजा खर्च भनेर समाजसेवी मानहिंह छन्त्यालले पनि रु१० हजार प्रदान गरेका थिए ।
यसै अवसरमा पाण्डबखानी समाज जापानका सदस्य दिलमाया छन्त्याल श्रीस र समाजसेवी मानसिंह छन्त्याललाई सम्मान गरिएको थियो भने कार्यक्रमको संञ्चालन विद्यालयका प्रअ आशा श्रीसले गरेकी थिईन् ।
3 Comments