प्राप्तिका थिङ् बागलुङ २०७६ भदौ १३ । बागलुङ नगरपालिका २ रुद्रेपिपल स्थित रुद्रेपिपल माध्यमिक बिद्यालयमा आयोजित नगरस्तरीय अन्तरमाध्यमिक विद्यालय तीजगीत नृत्य प्रतियोगिता २०७६ बिहीबार सम्पन्न भएको छ ।
सो प्रतियोगितामा बागलुङ नगरपालिका माध्यमिक बिद्यालयहरु बीच नृत्य प्रतियोगिता भएको थियो । सो प्रतियोगितामा रुद्रेपिपल, अमरआदर्श, कालिका कन्यामन्दिर, गुराँश, चिल्ड्रेन लाईफ, गुराँश, लहरेपिपल, गणेश, कुँडुले सहित १५ माध्यमिक विद्यालयका १८ नृत्य टोली सहभागिता रहेको शिक्षिका सरिता सापकोटाले जानकारी दिईन् ।
सो प्रतियोगितामा चिल्ड्रेन लाईफ आवासीय बिद्यालयको टोली प्रथम, रुद्रेपिपल माध्यमिक विद्यालयको टोली व्दितिय र डिग्निटी कलेजको टोली तृतिय भएका थिए भने विद्यार्थीहरुको व्यापक सहभागिता रहेको थियो ।
