बागलुङ २०७६ भदौ १५ । बागलुङ नगरपालिका १४ साविक नारायणास्थान गाविसको कैया भिरखोलामा रहेको तिजुको रुखमा झुण्डिएर मृत अवस्थामा फेला परेको प्रहरीले जनाएको छ । प्रहरीका अनुसार यहि भदौ १४ गतेको साँझ ५ बजेको समयमा फेला परेका मृत व्यक्तिको शव सडेगलेको अवस्थामा रहेको र निजले लगाएको कपडाको खल्ती हेर्दा गुल्मी वाग्ला बस्ने अभिषेक पन्थी भन्ने सवारी चालक अनुमती पत्र फेला परेको छ । निजको शवलाई पोष्टमार्टमका लागी धौलागिरी अस्पतालमा राखिएको प्रहरीले जनाएको छ ।
