कमल पौडेल, गल्कोट २०७६ भदौ २१ । नेपाल कम्यूनिष्ट पार्टीको संगठन सुदृढिकरण अभियान अन्तरगत गल्कोट नगरपालिका वडा नं. ८ को वडा कमिटिको भेलामा सम्बोधन गर्दै नेपाल कम्यूनिष्ट पार्टी (नेकपा) जिल्ला पार्टी कार्यालय सदस्य लाल बहादुर थापाले पार्टीको संगठन विस्तार अभियानमा सवै एकजुट भएर लाग्नुपर्ने बताए। ् थापाले नेपाल सरकारको निति कार्यक्रमलाई पारदर्शी ढङ्गले वडा तहमा कार्यन्वयन गर्नुपर्ने भन्दै पार्टी र जनप्रतिनिधि बिच समन्वय गर्नुपर्ने बताए ।
भेलामा नेपाल कम्युनिष्ट पार्टी नेकपाका जिल्ला सदस्य तथा गलकोट नगर कमिटि सचिव डम्मर बहादुर श्रीस, नगर कमिटि सदस्य कौशिला घर्ती, भिम शेरचन, विर बहादुर पुन, नरहरी घिमिरे लगायतले शुभकामना मन्तव्य दिएका थिए ।
भेलाले नेपाल कम्युनिष्ट पार्टीको टोल कमिटि गठन गर्ने, पार्टी सदस्यता व्यवस्थीत गर्ने, कार्यलय स्थापना गर्ने, लगायतका निर्णय गरेको छ ।
भेला नेपाल कम्युनिष्ट पार्टि नेकपा गलकोट नगरपालिका वडा नं ८ वडा कमिटि अध्यक्ष आत्माराम शर्मा अध्यक्षता नगर सदस्य तुलनाथ कंडेल स्वागत र पदम सलामीे सञ्चालनमा सम्पन्न भएको थियो ।
