बागलुङ, २०७६ भदौ २८ । यहि असौज १ र २ (सेप्टेम्वर १८ र १९) गते मलेशियामा आयोजना हुने पाँचौ विश्व स्तरिय गोजुरियो कराँते प्रतियोगितामा बागलुङबाट सहभागी हुने खेलाडीहरुलाई शनिवार एक कार्यक्रम विच अविर र खादा ओढाई विदाइ गरिएको छ ।
सो प्रतियोगिताका लागि बागलुङबाट सहभागी हुने खेलाडीहरुमा सन्राइज आवासीय मा.वि का चियायु रिजाल, दिलिप पुन, एलिशा थापा रहेका छन भने प्रशिक्षक पुष्पा कुमारी क्षेत्री र धनदास महर्जन समेत खेलाडीहरु मलेशियाका लागि प्रस्थान गरेका हुन ।
नेपाल गोजुरियोे कराँते दो संघ, बागलुङ सनराइज शाखा डोजाले आयोजना गरेको विदाई कार्यक्रम संघका कोषाध्यक्ष यामबहादुर जिसी. र सन्राइज आवासीय मा.वि.का प्रिन्सिपल चन्द्र बहादुर क्षेत्रीेले शुभकामना व्यक्त गरेका थिए ।
नेपाल गोजरियो कराँते दो संघ बागलुङकी अध्यक्ष तथा केन्द्रिय सदस्य पुष्पा कुमारी क्षेत्रीको अध्यक्षता सम्पन्न कार्यक्रममा स्वागत मन्तब्य खेलाडी सुषमा वोहोराले र उद्घोषण खेलाडी अञ्जली रुचालले गरेका थिए ।
