कौरव खत्री, गुल्मी २०७६ असोज १२ । गुल्मी मुसिकोटकी मृगौला पिडित देवी पल्ली बचाउ अभियानको लागि स्वदेश तथा विदेशमा आर्थिक सहयोग संकलन जुट्दै गएको छ ।
मुसिकोट नगरपालिका ४ बडागाँउ डाथोक निवासी ३२ बर्षीय देवी पल्लीको दुवै मृगौलाले काम नगरेपछी पिडितको स्वास्थ्य उपचारमा सहयोग पु¥याउनका लागि विभिन्न व्यक्तिहरुको सक्रियतामा विगत १ महिनादेखि देवी पल्ली बचाउ अभियान मार्फत सहयोग संकलन अभियान सञ्चालन गरिएको समाजसेवी तथा अभियन्ता सुमेन्द्र सिंह ठकुरीले जानकारी दिए ।
हाल काठमाण्डौको टिचिङ्ग हस्पिटलमा उपचार गराईरहेकी मृगौला पीडित पल्लीको सहयोगका लागि श्याम बहादुर राकसकोटी र गिता बहादुर पल्लीको संयुक्त नाममा रहेको ग्लोबल आइएमइ बैङ्कमा खाता नं. ०८०७०१००१३८४२ खातामा सिधै रकम जम्मा गर्न सकिने छ ।
मृगौला पीडित पल्लीको सहयोगका लागि विदेश अन्र्तगत जापानमा हुकुम कार्की,आकाश बराल, प्रदिप सिंह र प्रेम कार्की अमेरिकामा बिष्णु कार्की,दुवईमा दिनेश सिंह र भारतमा कर्ण कार्की,सुरज थापा एवं नेपालको काठमाण्डौमा जमुना राना,पदम सिंह,करन विश्वकर्मा,गुल्मी चारपालमा नारायण खत्री एवं बडागाँउमा पुष्पा बरम्ले,बोम पल्ली र पृथ्वी माध्यमिक विद्यालयका शिक्षक तथा विद्यार्थीहरु लगायत मार्फत आर्थिक सहयोग संकलन अभियान थालिएको समाजसेवी तथा अभियान्ता सिंह ठकुरीले जानकारी दिए ।
हालसम्म मृगौला पीडित पल्लीको लागि स्वदेश तथा विदेशबाट गरि झण्डै ३ लाख आर्थिक सहयोग संकलन भएको सामाजसेवी सिंह ठकुरीले जानकारी दिए ।
विगत डेढ महिनादेखि दुबै मृगौलाबाट पिडित बनेकी पल्लीको घरको आर्थिक अवस्था कमजोर रहेकोले उनको स्वास्थ्य उपचारमा आफूसक्दो सहयोग गरिदिन समाजसेवी तथा अभियान्ता सिंह ठकुरीले आग्रह गरे ।
साथै सामाजिक अभियान्ता सिंह ठकुरीले देशका विभिन्न स्थानमा रहेका पिडित व्यक्तिहरुको लागि सहयोग जुटाउन विगत केहि बर्षदेखि सामाजिक रुपमा सक्रियताका साथ सहयोग गदै आइरहेका छन् ।
