कोपीला कंडेल बागलुङ २०७६ कात्तिक ८ । प्रगति कृषि सहकारी संस्था काठेखोला गाउपालिका १ सिगानाको पाचौ साधारण सभा बिहिबार सम्पन्न भएको छ । साधारण सभाको उद्घाटन गर्दै काठेखोला गाउंपालिका वडा नम्वर ६ का अध्यक्ष युक्त प्रसाद कंडेलले कृृषि क्षेत्रको बिकास र बिस्तारको लागि सहकारीले महत्वपुर्ण भुमिका निर्वाह गर्नुपर्ने बताए । सहकारीहरु बिशेष गरी ऋण तथा बचतको कारोबारमा मात्र सिमित हुने गरेको चर्चा गर्दै उनले मुलुकको आर्थिक तथा सामाजिक रुपान्तरणका लागि सहकारीले नमुना योग्य काम गर्नुपर्नेमा जोड दिए ।
कार्यक्रममा भेटेनरी शाखा काठेखोलाका प्रमुख होम बहादुर थापा, पाला दुग्ध उत्पादक सहकारी संस्थाका सचिव टिका थापा, लामीचौर माबिका प्रधानाध्यापक चन्द्र बहादुर मल्ल लगायतले शुभकामना मन्तब्य व्यक्त गरेका थिए ।
सो अवसरमा संस्थाको प्रगति प्रतिबेदन अध्यक्ष देबी थापा र आर्थिक प्रतिबेदन लेखा समिति संयोजक कृष्ण बहादुर थापाले लेखा समितिको प्रतिबेदन प्रस्तुत गरेका थिए ।
कार्यक्रम सहकारी संस्थाका अध्यक्ष देबी थापाको अध्यक्षता, सदस्य बसुन्धरा थापाको स्वागत मन्तब्य र लाल कुमारी रानाको संचालनमा सम्पन्न भएको थियो ।
