कौरव खत्री, गुल्मी २०७६ कात्तिक ८ । गुल्मीको मुसिकोट नगरपालिका २ मुसिकोट रातचौरले आयोजना गरेको खुल्ला पुरुष भलिवल तथा विविध साँस्कृतिक कार्यक्रम सम्पन्न भएको छ ।
कार्यक्रममा विशिष्ट अतिथि इश्मा गाँउपालिका १ का वडा अध्यक्ष चुरा बहादुर खत्रीले खेलकुद क्षेत्र र कलाकारितामा राज्यले जोड दिनुपर्ने बताए ।सोही अवसरमा नेरा त्रिभुवन माध्यमिक विद्यालयका पूव प्रधानाध्यापक तेज बहादुर महत लगायतले शुभकामना मन्तव्य राखेका थिए ।
कार्यक्रममा खुल्ला पुरुष भलिवल प्रतियोगिता नेपाल तरुण दल मुसिकोट नगरपालिका १ (वि) ले नगद रु २० हजार सम्मान पत्र सहित प्रथम पुरस्कार हात पारेको छ भने सोही मुसिकोट नगरपालिका १ कै नेपाल तरुण दल (ए)ले नगद रु. १५ हजार सम्मान पत्र सहित द्धितीय पुरस्कार हात पारेको छ ।सोही अवसरमा भाले छोपाई प्रतियोगितामा मुसिकोट नगरपालिका २ आरुपाटाका निसान खत्री प्रथम भएका छन् ।
साथै घैटोफोर प्रतियोगितामा मुसिकोट नगरपालिका २ देउरालीका मजोज आचार्य प्रथम भएका छन् । त्यस्तै लुठोतान प्रतियोगितामा आयोजक समूह प्रथम भएको छ भने लुग्रुङ्ग समूह द्धितीय भएको छ । सोही अवसरमा खुल्ला रेर्कड डान्स प्रतियोगिता समेत सम्पन्न भएको थियो प्रतियोगितामा विजेताहरुलाई नगद र प्रमाण पत्रले समान गरिएको थियो ।
कार्यक्रममा राष्ट्रिय लोकदोहोरी गायक हरि खत्री र सावित्रा नेपाली, किशोर खत्री लगायत स्थानीय कलाकारहरुको विजोड साँस्कृतिक प्रस्तुती रहेको थियो । कार्यक्रममा आर्थिक सहयोगीहरुलाई सम्मान गरिएको थियो भने कार्यक्रममा मुसिकोट नगरपालिकाका कार्यपालिका सदस्य गोविन्द्र नेपाली, पत्रकार, कलाकार,चन्दादाता, युवा, बुद्धिजिवी, समाजसेवी लगायतको सहभागिता रहेको थियो ।
कार्यक्रम खड्गदेवी युवा क्लव मुसिकोट नगरपालिका २ का अध्यक्ष रविन्द्र खत्रीको अध्यक्षता समाजसेवी जगत अधिकारीको प्रमुख आतिथ्यता रहेको कार्यक्रममा खड्गदेवी युवा क्लवका क्लवका सचिव माया खत्रीको स्वागत मन्तव्यसँगै शुरु भएको कार्यक्रमको सञ्चालन भने खड्गदेवी युवा क्लवका क्लवका उपाध्यक्ष रामप्रसाद आचार्यले गरेका थिए ।
