म्याग्दी रुममा जीप पल्टिदा छतमा चढेका तीन जना यात्रु मध्य २ जनाको मृत्यु !

म्याग्दी, २०७६ कात्तिक १५ । आज दिउसो मालिका गाउपालिका-२ रुममा यात्रुबाहक जीप दुर्घटना हुदा २ जनाको मृत्यु भएको छ । दर्बाङ देखि रुम जादै गरेको ध१ज ५९८ नं.को जीप रुमको आसन भन्ने ठाउमा सडकमा पल्टिएर दुर्घटना भएको हो । मृत्यु हुनेमा सोहि स्थानकै सक बहादुुर विका रहेका छन् भने अर्का मृतकको सनाखत हुन नसकेको प्रहरीले जनाएको छ ।

जीपको छतमा चढेका तीन जना यात्रुहरु जीप सडकमा पल्टिदा उछट्टिएर भीरबाट खसेको प्रत्यक्षदर्शीले बताएका छन् । भीरमा खसेका विक सहित २ जनाको मृत्यु भएको र एक अर्का यात्रु भने भीरमा अड्किएर ज्यान बचेको स्थानीयले जानकारी दिए । जीप भित्र रहेका १५ जना यात्रुहरुको अवस्था भने सामान्य रहेको बताईएको छ ।

फेसबुकमार्फत कमेन्ट गर्नुहोस !