बुर्तिवाङ २०७६ मंसिर १४ । निसीखोला गाउँपालिका १ (साबिक देविस्थान गाविस)को देविस्थान मावि भवनका दुई मतदान केन्द्रका तीन मत पेटिका मध्य एक मतपेटिका हराउदा बुर्तिवाङमा केहि समय तनावको स्थिति सिर्जना भयो । त्यस मतदान केन्द्रमा तीन वटा मतपेटिका भएकोमा दुई मतपेटिका मात्र प्राप्त भएपछी त्यस्को खोजीमा बुर्तिवाङमा हंगामा भएको प्रत्यक्षदर्शीले बताए ।
समाचार श्रोतका अनुसार मतदान कार्य सकिएपछी मुचुल्का गरी बन्द गरेपछी मतदान अधिकृत रेशम थापा मगर एकछिन बाहिर गएको समयमा दुई वटा पेटिका गाडीमा राखेर पठाएको र अर्को एक मत पेटिका स्वयं मतदान अधिकृत रेशम थापा मगरले अर्को गाडीमा लगेर जाँदा आशंका उत्पन्न भएको बताईएको छ । मतदान सम्पन्न भएपछी अधिकृत थापा एकछिन जाडो भगाउन बाहिर जाँदा सबै मतपेटिका एके चोटी गाडीमा पठाउन छुट भएको बताईन्छ । बुर्तिवाङमा यस घटनालाई लिएर केहि समय काँग्रेसी कार्यकर्ताहरुले हंगामा मच्चाएका थिए ।
