किरण आचार्य, बागलुङ २०७६ मंसिर १५ । प्रदेशसभा सदस्यको मतगणना जारी छ । हाल सम्म ढोरपाटन नगरपालिका १ बुर्तिवाङ बजार क्षेत्र र निसीखोला गाउपालिकाको वडानं १ देविस्थानको मतदान केन्द्रको मतगणना सकिएको छ । दुबै केन्द्रको मतगणनाको परिणाम अनुसार नेपाली काँग्रेसका जीत शेरचनले १०५५ मत र बामगठबन्धनका खिमबहादुर शाहीले १०४६ मत प्राप्त गरेका छन् । यसैगरी समाजवादी पार्टी ७८, स्वतन्त्र –क्लिप १४, राप्रपा संयुक्त १०, स्वतन्त्र ब्लब ६ मत प्राप्त गरेका छन् ।
ढोरपाटन नगरपालिका, निसीखोला गाउपालिका र तमानखोला गाउँपालिका रहेको यस क्षेत्रमा कुल मतदाता संख्या ३५ हजार १ सय ८४ रहेकोमा महिला मतदाता ११ हजार ९ सय २२ तथा पुरुष मतदाता ९ हजार ९ सय ७३ गरी जम्मा २१ हजार ८ सय ९५ मतदाता (६१ प्रतिशत)ले मतदान गरेका थिए । मतदानमा पुरुष भन्दा महिला मतदाता १ हजार ९ सय ४९ बढीले भाग लिएका थिए । पुरुषहरु रोजगारीको लागी बाहिरी मुलुकमा गएका कारण मतदानमा महिला सहभागिता बढी हुन गएको विश्वास गरिएको छ ।
***
