सचिन्द्र श्रेष्ठ, युएई, दुबई २०७६ पुस १३ । पर्बत सेवा समाज युएईले अंग्रेजी नया बर्ष २०२० को अवसर पारेर शुक्रवार दुबई स्थित मुशरिफ पार्कमा भब्यताका साथ बनभोज तथा सास्कृतिक कार्यक्रम सम्पन्न गर्यो। एक आपसमा समझदारी, भाईचारा साथै बसन्त ऋतुको आगमनमा हर्ष उल्लास सदैब कायम रहोस् ,नया बर्षको शुभकामना साटासाट ,वन्धुत्व भावना कायम प्रगाढ होस् भन्ने उद्देश्यका साथ पारिवारिक जमघट ,भेटघाट हुने भएकोले बनभोजको आयोजना गरिएको समाजका अध्यक्ष सरोज जीसीले जानकारी दिए।
उक्त बनभोज कार्यक्रममा आदर्श कास्की समाज, स्याङ्जा समाज, ब्यापारी ,बिभिन्न तह तप्काका बिशिष्ट ब्यक्तित्व ,पत्रकार साथै स्थानीय कलाकारहरुको बाक्लो उपस्थिति रहेको थियो।
बिगतमा पर्बत जिल्लालाई बिभिन्न राहत, सिप मूलक तालिम,आर्थिक,सास्कृतिक सहयोग गर्दै गरेको र आगामी दिनमा अझै पर्बत जिल्लालाई पर्यटन मार्फ़त देश बिदेसमा चिनाउन सो समाजले अग्रणी भूमिका खेल्नु पर्नेमा समाजका पूर्ब अध्यक्ष राजेन्द्र अधिकारीले बताए ।
सास्कृतिक कार्यक्रम नाचगान, रमाइलो खेल, मिष्ठान्न परिकारका साथ कार्यक्रम सम्पन्न गरिएको समाजको कार्यक्रम मात्र नरही अहिले युएईका बिभिन्न सहरमा संघ, सस्था, क्लबले बनभोजको आयोजना गर्ने लहर नै छाएको छ।
