कमल पौडेल, गल्कोट रिघा २०७६ पुस १३ । गल्कोट नगरपालिका वडा नं. ११ रिघामा सञ्चालित सामुदायीक घरवास (होमस्टे) तथा सोहि व्यावस्थापनको लागि निर्मित छिचिम्रा पार्कको एक कार्यक्रमका विच अनुगमन निरिक्षण तथा अवलोकन गरिएको छ ।
गण्डकी प्रदेशका उद्योग पर्यटन तथा वातावरण मन्त्रालयका उपसचिव इन्द्र प्रसाद अधिकारी, मुख्यमन्त्रि कार्यालयका अधिकृत राजेश पौडेल, कृषि मन्त्रालयका अधिकृत ऋषिराम पोखरेल, बुद्धि बहादुर खत्री लगाएतको टोलीले सो अनुगमन गरेको हो ।
प्रदेश सरकारले घरवास (होसस्टे) कार्यक्रमलाई प्रवद्र्धन गर्न अनुदान सहयोग गर्दै आएको छ। रिघा सामुदायीक घरवास कार्यक्रममा निरिक्षणको लागी आएका पाहुनाहरुलाई स्थानियले फुलमाला ओढाएर स्वागत गरेका थिए ।
सो अवसरमा वडा अध्यक्ष डम्बर बहादुर श्रीसले रिघा घरवास (होमस्टे) कार्यक्रमको विषयमा जानकारी गराएका थिए । नेपाल भ्रमण वर्ष २०२० को निकट समयमा रिघामा गर्न सकिने पर्यटन प्रवद्र्धनका विषयमा पनि छलफल भएको वडा अध्यक्ष श्रीसले जानकारी दिए ।
अतिथिहरुले सो कार्यक्रम निरिक्षण गर्दै थप व्यावस्थापनको लागी शुभकामना दिनुभएको थियो। कार्यक्रम रिघा सामुदायीक घरवास कार्यक्रमका अध्यक्ष सुमन श्रीसको अध्यक्षता तथा सचिव आषा श्रीस रानाको सञ्चालनमा सम्पन्न भएको थियो।
