रामशरण पोखरेल, बागलुङ २०७६ माघ ८ । प्रगतिशील युवा क्लब काठेखोला गाउँपालिका २ भिमपोखरा बागलुङको आयोजनामा संचालित माघे सक्रान्ती मेला हालै सम्पन्न भएको छ । माघ १ गते देखि सन्चालन गरिदै आएको कार्यक्रम यसपालि मौसमको कारण ४ गतेदेखि संचालन गरिएको हो ।
समापन समारोहको अवसरमा बोल्दै समाजसेवी तथा साबिकको भिमपोखरा गाबिसका पुर्ब अध्यक्ष होम बहादुर हमालले समय-समयमा गरिने यस्ता कार्यक्रमबाट समाज परिवर्तनमा सहयोग पुग्ने बताएका थिए ।
मेलामा आयोजित खुल्ला भलिबल प्रतियोगितामा करण किश्मत किराना पसल प्रथम र आयोजक प्रगतिशील युवा क्लब द्दित्तिय भएका थिए । यसैगरी खुला नृत्य प्रतियोगितामा रोयल डान्स हटिया प्रथम र सृजना सास्कृतिक युबा क्लब बिहु द्दित्तिय भएको भिमपोखरा बाट पत्रकार गणेश नेपालीले जानकारी दिए ।
कार्यक्रममा चर्चित कलाकारहरु राजु परियार,गणेश पौडेल ,अमृता नेपाली,के पि कुमार जलन,हिरा परियार लगायतको साङ्गितिक प्रस्तुती रहेको थियो । क्लबका अध्यक्ष याम कुमारी नेपाली अध्यक्षता सम्पन्न कार्यक्रमको सन्चालन क्लब का सचीव आर एन जेरीले गरेका थिए ।
