बागलुङ २०७६ माघ १६ । बागलुङ जिल्ला बरेङ गाउपालिका २ घर भएका एक व्यक्तिलाई काठमाडौं नयाँ वसपार्कस्थित सडकमा हिँडिरहेको अवस्थामा लछार पछार गरी उनले लगाएको डेढ तोलाको सुनको सिक्री लुट्दै गरेका दुईजना व्यक्तिलाई महानगरीय प्रहरी प्रभाग गोगंबुबाट खटिएको प्रहरीले बुधबार राति पक्राउ गरेकाे छ ।
पक्राउ पर्नेहरुमा काठमाडौं महानगरपालिका-२६ मित्रनगर बस्ने लम्जुङ सुन्दरबजार नगरपालिका-७ घर भएका २७ वर्षीय मन वहादुर घर्ती र काठमाडौं महानगरपालिका-२६ वालाजु बस्ने मकवानपुर मनहरी गाउँपालिका-३ घर भएका ३१ वर्षीय सुविना राई रहेका छन् । प्रहरीले पीडित व्यक्तिको पहिचान खुलाएको छैन ।
