नविन श्रीस मगर, बुर्तिबाङ २०७६ फागुन ७ । ईलाका प्रहरी कार्यालय बुर्तिवाङमा नवागत प्रहरी निरीक्षक प्रकाश सिँह भण्डारीलाई स्वागतको सिलसिला जारी छ । केहि दिन पहिले प्रहरी निरीक्षक भण्डारीलाई ढोरपाटन नगरपालिकाले स्वागत गरेको थियो भने आज बुर्तिबाङ ढोरपाटन यातायात सेवा प्रालि सञ्चालक समितीले नवागत प्रहरी निरीक्षक भण्डारीसंग भेटघाट तथा अन्तरक्रिया कार्यक्रम सम्पन्न गरेको छ ।
कार्यक्रममा बोल्दै प्रहरी निरीक्षक भण्डारीले कानुन भन्दा माथि कोही नरहेको बताउदै यस क्षेत्रको शान्ति सुरक्षाको लागि कुनै कसर बाकी नराखी काम गर्ने र यस क्षेत्रका उद्योगी व्यवसायी सम्पुर्ण संग सहकार्य गरी अगाडी बढ्ने प्रतिबद्धता जनाए ।
त्यस्तै समितिका अध्यक्ष जित बाहादुर कुँवरले यस क्षेत्रमा सवारी दुर्घटनाको जोखिम बढ्दै गईरहेकाले यसलाई न्युनीकरणका लागि आवश्यक पहल गरिदिन आग्रह गरे ।
सञ्चालक समितीका अध्यक्ष कुवरको अध्यक्षता, कोषाध्यक्ष हेम प्रसाद विकको स्वागत मन्तव्य रहेको कार्यक्रमको सञ्चालन प्रालिका सचिव नर बहादुर क्षेत्रीले गरेका थिए ।
