अनिष पाठक,बडीगाड २०७६ फागुन १३ । बडीगाड २ राक्सेमा रहेको शितल क्लबको पाँचौ वार्षिक उत्सव सम्पन्न भएको छ । फागुन ९ गतेबाट शुरु भएको वार्षिक उत्सव साथै महा शिवरात्रि मेलामा हिँजो सोमबार साविक वडा स्तरीय खुल्ला रनिङ कप पुरुष भलिवलका सबै खेल सम्पन्न भएसंगै कार्यक्रम पनि सम्पन्न भएको क्लबका सचिव दिपक घिमिरेले बताए ।
सोमवार सम्पन्न भलिवल प्रतियोगितामा न्यु नवज्योति युवा क्लव प्रथम, र सिँजाली ट्राभल्स मनेवा व्दिितय भए । प्रतियोगितामा प्रथम हुने न्यु नवज्योति युवा क्लवले २२ हजार रनिङ कप साथै व्दितिय हुने सँजाली ट्राभल्स मनेवाले १५ हजार र प्रमाणमा प्राप्त गरेको क्लबका अध्यक्ष फरम थापाले जानकारी दिए । क्लबले प्रत्यक शिवरात्रीको अबसरमा आफ्नो वार्षिक उत्सव मनाउदै आएको छ ।
