छविलाल पाण्डे, बुर्तिवाङ २०७६ फागुन १७ । बुर्तिबाङमा शुक्रबारदेखि सुरु भएको ढोरपाटन नगरपािलका स्तरीय व्दितिय राष्ट्रपति रनिङ सिल्ड प्रतियोगिता आज सम्पन्न भएको छ ।
ढोरपाटन नगरपालिका अन्र्तगत रहेका मावि तहका निजी तथा सामुदायिक विद्यालयका विद्यार्थीहरुको खेलक्षेत्रमा भएको प्रतिभा प्रस्फुटन गराउने उदेश्य स्वरुप कार्यक्रमको आयोजना गरीएको थियो । आयोजित कार्यक्रममा १६ समुहलाई पछाडि पार्दे छात्र भलीवल प्रतियोगितामा उत्तरगँगा माविले प्रथम स्थान लिन सफल भएको छ । त्यस्तै कार्यक्रमबाट शिवालय मावि सैखोला दिर्तिय भएको हो ।
भलीवलमा प्रथम र दिर्तिय हुने समुहले क्रमश रु पाँचहजार चार हजार मेडल , कप र प्रमाण पत्र हात पारेका छन् । त्यस्तै ६ विद्यालयको सहभागिता रहेको छात्रा भलीबल प्रतियोगितामा विद्या विकास मावि प्रथम र उत्तरगँगा मावि बुर्तिबाङ दिर्तिय भएका छन् । छात्रा तर्फ प्रथम र दिर्तिय हुने समुहले क्रमश रु ५ हजार , ४ हजार र कप, मेडल र प्रमाणपत्र हात पारेका छन् ।
छात्र तर्फको कर्वडी प्रतियोगिता तर्फ जनता बोर्डिङ स्कुल प्रथम, उत्तरगँगा मावि दिर्तिय भएका छन् । १२ सय मिटर डौड छात्र तर्फ उत्तरगँगा माविका मानसिँह अदै प्रथम, शिवालय माविका यमबहादुर छन्तयाल दिर्तिय भएका छन् । छात्रा तर्फको ८ सय मिटर डौडमा न्यु मोर्डन एक्याडेमिका ममता श्रीपाली प्रथम, शिवालय माविका मिना अधिकारी दिर्तिय भएका छन् ।
कार्यक्रममा ढोरपाटन नगरपालिका अन्र्तगतका मावि तहका विद्यालयका विद्यार्थीको सहभागिता रहेको थियो । समापन सत्रको कार्यक्रममा कार्यक्रम सँयोजक सोम पौवी यामुको अध्यक्षता, ढोरपाटन नगरपालिका मेयर देवकुमार नेपालीको प्रमुख आतिथ्यता रहेको कार्यक्रम शिक्षक एवम कार्यक्रम सञ्चालन समिती सदस्य दिपेन्द्र छन्त्यालको सञ्चालमा सम्पन्न भएको थियो ।
