छविलाल पाण्डे, बुर्तिवाङ २०७६ फागुन २२ । रँगिन युवा क्लब निसीखोला गाउँपालिका ४ ले आयोजना गरेको क्लबको १३ औँ बार्षिक उत्सब एवम होली पूर्णिमा मेला कोरोना भाइरस प्रभाबका कारण स्थगित गरिएको छ ।
आजदेखि आगामि फागुन २६ गतेसम्म सञ्चालन गर्ने भनिएको कार्यक्रम सरकारले जारी गरेको सुचना अनुसार मेला महोत्सब नगर्ने र होली कार्यक्रममा समेत एकआपसमा भेला हुन नपाउने जानकारी गराएसँगै आफुहरुले यसपटकलाई कार्यक्रम स्थगित गर्नुपरेको क्लबका अध्यक्ष राजमान बुढाले जानकारी दिए ।
सबै कार्यक्रम तयारी अवस्थामा रहँदा रहँदै पनी क्लब पदाधिकारी विच भएको बैठकले यसपटकलाई कार्यक्रम स्थगित गर्नुपरेको र केहि समयमै कोरोना भाइसर हट्दै गएको अवस्थामा सरकारले कार्यक्रम गर्न अनुमती दिएपछि चैत्राष्टमप् तथा नँया बर्षमा कार्यक्रम सञ्चालन गरिने क्लब अध्यक्ष बुढाले बताए । निसीखोला गाउँपालिकाकै सबैभन्दा बढी चर्चित कार्यक्रमको रुपमा रहेको होली मेला अचानक स्थगित गर्नुपर्दा आफुहरुलाई दुख लागेको अध्यक्ष बुढाले बताए ।
