बुर्तिवाङ २०७७ बैशाख ५ । ढोरपाटन नगरपालिका ८ बोबाङमा एक महिलाले आफनै घरमा झुण्डिएर आत्महत्या गरेकी छन् । ढोरपाटन ८ सुकुरदुम स्थित खिमबहादुर पुनको २७ बर्षिया श्रीमती विपना पुनले बिहिबार आफनै घरमा झुण्डिएर आत्महत्या गरेको बताइएको छ ।
श्रीमान गाउँमै स्थानियकोमा ज्याला मजदुरी गर्न गएको अवस्थामा साँझ ५ बजेतिर बच्चाहरुले झुण्डिएको अवस्थामा देखेपछि स्थानियलाई खवर गरेका थिए । घटनाको विषयमा थप अनुसन्धान भइरहेको इलाका प्रहरी कार्यालय बुर्तिबाङका सुचना शाखा प्रमुख शालिकराम भुसालले बताए । .
