विश्वमा कोरोना संक्रमितको संख्या ३५ लाख नाघ्यो, नेपालमा संक्रमितको संख्या ६९ पुग्यो !

बागलुङ २०७७ बैशाख २१ । पछिल्लो तथ्याङ्क अनुसार विश्वमा कोरोना संक्रमितको संख्या ३५०२९५६ पुगेको छ । नेपालमा आज थप १० जनामा कोरोना संक्रमण पुष्टी भएपछी संक्रमितको संख्या ६९ पुगेको छ । जसमध्य बागलुङका दुईजना महिला सहित १६ जना निको भएर घर फर्किएका छन् भने ५३ जनाको उपचार भैरहेको छ ।

प्राप्त तथ्यांक अनुसार कोरोनाबाट विश्वमा मृत्युहुनेको संख्या २४५०८१ रहेको छ । अमेरिकामा मात्र कोरोनाबाट मर्नेको संख्या सर्वाधिक ६७४४८ पुगेको छ । उता रसियामा आज मात्रै १०६३३ जना संक्रमित थपिएर कुल संक्रमितको संख्या १३४६८७ पुगेको छ भने मृत्यु हुनेको संख्या १२८० रहेको छ ।

यसैगरी कोराना संक्रमणबाट ज्यान गुमाउनेहरुमा ईटलीमा २८७१०, स्पेनमा २५१००, युकेमा २८१३१, फ्रान्समा २४७६० रहेका छन् ।
यसैवीच उपचार पछी निको भएको भनी नारायणी अस्पतालबाट बैशाख १४ गते डिस्चार्ज गरिएर घर पठाईएका चार जना संक्रमित मध्य दुईजनालाई पुन अस्पतालमा भर्ना गरिएको छ । निको भएर गएकाहरुमा पुन संक्रमण देखिनु चिन्ताको विषय बनेको छ ।

फेसबुकमार्फत कमेन्ट गर्नुहोस !