लकडाउनको अवज्ञा गर्दै बागलुङमा व्यापारीहरुले गरे पसल खोल्ने जमर्को !

कुसुम थिङ , बागलुङ २०७७ जेठ २२ । लामो समय सम्मको लकडाउनले आर्थिक कारोबार चौपट बनेपछी सदरमुकाम बागलुङ बजार लगायत जिल्लाका प्रमुख व्यापारिक केन्द्रहरुमा स्थानीय व्यापारीहरुले पसलहरु खोल्ने जमर्को गरेका छन् । केहि दिन यता फाटफुट पसलहरु खोल्ने गरेको देखिएपनि आज केहि बढी मात्रामा पसलहरु खुलेको सहकर्मीहरुले जानकारी दिएका छन् ।

हिँजो प्रमुख जिल्ला अधिकारी गौलोचन सैजु सहितको सुरक्षा टोली आउने खबर पाएपछी हतार हतार हटियाका व्यापारीहरुले पसल बन्द गरेको दृश्य रोचक थियो । स्थानीय प्रशासनले पसलहरु बन्द गर्न दबाब दिन नहुने व्यापारी उद्योग व्यवसायीहरुको माग रहेको छ ।

पर्वत कुस्माका व्यापारीहरुले लकडाउनको अवज्ञा गरेर पसलहरु खोलेका छन् । कुस्मा बजारका ७० प्रतिशत भन्दा बढी पसलहरु खुलेको पर्वतबाट सहकर्मी प्रकाश पौडेलले जानकारी दिए ।
उता राजधानीमा पनि पसल बन्द गर्न प्रशासनले दबाब नदिने समाचार प्रकाशमा आएको छ । ।

फेसबुकमार्फत कमेन्ट गर्नुहोस !