पर्वत दुर्लुङमा भीषण वर्षाका कारण पहिरो जाँदा ९ जना पुरिएको आशंका : दुई जनाको शव निकालियो !

प्रकाश पौडेल / रामशरण पोखरेल, पर्वत २०७७ जेठ ३१ । पर्वत जिल्लाका कुश्मा नगरपालिका ३ दुर्लुङमा हावाहुरी सहित भीषण वर्षाका कारण पहिरो जाँदा केहि घर बगाएको र ९ जना मानिसहरु पुरिएको आशंका गरिएको छ । कुस्मा नगरपालिका वडा नं ३ का अध्यक्ष तेज प्रसाद पाध्याका अनुसार तुलबहादुर थापा र कमला विककाे घर पुरिएको हाे भने मिनकुमारी थापा र उनकी नातिनी दिविसा थापा समेत ३ जनाको शव फेला परेको छ । थापाकाे घरमा ६ जना रहेकाे कुस्मा नगरपालिका वडा नं ३ का अध्यक्ष तेज प्रसाद पाध्याले जानकारी दिए ।

अहिले त्यस स्थानमा ठूलो पानी परिरहेको कारण उद्धार कार्यमा कठिनाइ भएको अध्यक्ष पाध्याले बताए । उद्धारका लागि कुस्माबाट नेपाली सेना, सशस्त्र प्रहरी र नेपाल प्रहरीको टोली त्यस स्थान तर्फ हिडिसकेको छ । रातको समय भएका कारण क्षतिको विवरण संकलन हुन नसकिरहेको वडाअध्यक्ष पाध्याले जानकारी दिए ।
थप विवरण आउन बाँकी ।

फेसबुकमार्फत कमेन्ट गर्नुहोस !