निसीखोला २०७७ असार ३ । निसीखोला गाउँपालिका वड िन २ उपल्लो बेङ्री निवासी निम बहादुर खत्रीका छोरा वर्ष २७ का प्रेम बहादुर खत्री २०७७ बैशाख २१ गते बाख्रा गोठ जादा अचानक भीरबाट लडेर गम्भीर अवस्थामा रहेका छन् । उनको मेरुदण्डको हड्डी ९ढाड० सहित स्पेनलकर्ड भाँचिएर शरीरको कुनै पनि भाग नचल्ने भएर पल्टिरहेका छन् । परिवारको आर्थिक अवस्था न्यून भएको कारण उपचार हुन नसक्दा खत्री अहिले थला परेर मृत्यु संग जुधि रहेका छन् । उनलाई अहिले सबैको सहयोगको खाँचो छ । हामी सबैले गच्छे अनुसार सहयोग गरेउँ भने उनको राम्रो उपचार भै जीवन बचाउन सक्नेछौँ भनेर स्थानीय युवाहरुले प्रेमबहादुर खत्री बचाउ अभियान सन्चालन गरी आर्थिक संकलन कार्य अगाडी बढाएको स्थानीय समाजसेवी यकबहादुर कुँवरले ईबागलुङलाई बताए् ।
निजको श्रीमती, ३ वर्षको छोरा र १५ महिनाको बच्चा गरि २ सन्तान छन । निजको आर्थिक अबस्था अत्यन्तै कम्जोर भएको र उपचारमा बढी खर्च हुने भएकाले जे जति सहयोग गर्न सक्दछौ त्यसरी नै सहयोग गर्न अभियानले आग्रह गरेको छ । तपाई हाम्रो सानो सहयोगले कसैको ज्यान बचाउन सकियो भने त्यो जति धर्म र पून्य केही हुदैन । सहयोग भन्ने सानो ठुलो जति सकिन्छ त्यति नै गर्ने हो। विमल कुँवरको पहलमा मलेसियामा रहेका केही मनकारी ब्यक्तिले केही रकम सहयोग गरेको पनि अभियानले जानकारी दिएको छ ।
गम्भीर अवस्थामा रहेका खत्रीलाई सहयोग गर्न र उनको विषयमा थप बझ्न चाहेमा विमल कुँवरको ९८१३०५६५२४ र खुम बहादुर खत्रीको ९८२३४५२३४७ फोन नम्वरमा सम्पर्क गर्न सकिने छ ।
