मित्रलाल खरेल गल्कोट २०७७ असार ६ । अविरल वर्षाका कारण गल्कोट नगरपालिका ६ का नेत्रबहादुर परियारको घर आगनबाट पहिरो जाँदा त्यस तलका बालसिँह परियारको घर पहिरोले पुरेको छ भने गणेश परियारको घर चर्किएर मानिस बस्न नहुने भएको छ । नेत्रबहादुर, बालसिँह र गणेशका परिवार आफन्त कहाँ बसेका छन् ।
उता गल्कोट नगरपालिका ९ को रिश्मीमा धनसिँह दमाईको घरको छानामा माथीबाट पहिरो खसेको निजका परिवार अन्यत्रै बस्न बाध्य भएको वडाध्यक्ष तेजबहादुर थापाले ईबागलुङलाई बताए । आजको भीषण वर्षाले गर्दा मध्यपहाडी लोकमार्गको बडागाउँ बाट रिघा जाने मोटरबाटो पहिरोको कारण अवरुद्ध बनेको अध्यक्ष थापाले बताए ।
