रामप्रसाद घिमिरे, बागलुङ २०७७ असार १० । स्वास्थ्य निर्देशनालय गण्डकी पोखराव्दारा प्रकाशित विज्ञप्ती अनुसार बागलुङ जिल्लाका ९ जनामा कोरोना संक्रमण पुष्टि भएको छ । यससँगै बागलुङ जिल्लामा कोरोना संक्रमितको संख्या १ सय ३९ पुगेको छ ।
आज विहान ६.२० बजे प्रकाशित विज्ञप्तीमा बागलुङ जिल्लाको जैमिनी नगरपालिकामा १ जना २० वर्षिय पुरुष र बरेङ गाउपालिकामा १९ वर्ष देखी ६० वर्ष समुहका ८ जनामा कोरोना पोजेटिव देखिएको हो ।
सो विज्ञप्ती अनुसार पर्वत कुस्माकी १ जना २४ वर्षिया महिलामा कोरोना संक्रमण देखिएको छ भने स्यांग्जामा ७ जना कास्कीमा ५, तनहुँमा १, लमजुङमा ५ र नवलपरासी गैँडाकोट नगरपालिकामा ३ जनामा संक्रमण देखिएको छ । यस सँगै गण्डकी प्रदेशमा कोरोना संक्रमितको संख्या ७ सय २९ पुगेको छ ।
