निसीमा वडाध्यक्षको घरबाट ८० केजी गाँजा तथा बुर्तिवाङको मीना खाजाघरबाट चरेस/गाँजा बरामद !

रामप्रसाद घिमिरे, बागलुङ २०७७ असार १२ । प्रहरीले निसीखोला गाउपालिका ६ भल्कोटका वर्ष ५२ का वडाध्यक्ष सूर्यबहादुर घर्तीको घरबाट ८० केजी ५ सय ग्राम लागु औषध गाँजा बरामद गरेको छ । वडाध्यक्ष घर्तीको घरमा गाँजा लुकाई छिपाई राखेको गोप्य सूचनाको आधारमा ईलाका प्रहरी कार्यालय बुर्तिवाङका प्रमुख प्रहरी निरीक्षक प्रकाश सिँह भण्डारीको नेतृत्वमा गएको प्रहरी टोलीले आज विहान ४ बजेको समयमा उक्त गाँजा बरामद गरेको जिल्ला प्रहरी कार्यालय बागलुङका प्रमुख, प्रहरी उपरीक्षक शारादा प्रसाद चौधरीले ईबागलुङलाई बताए ।

प्रहरी उपरीक्षक चौधरीका अनुसार गए राति नै ढोरपाटन नगरपालिका बुर्तिवाङ बजारमा मीना खाजा घरबाट १ सय ९० ग्राम लागु औषध चरेस र ९ केजी गाँजा बरामद गरेको छ ।

प्रहरीका अनुसार वडाध्यक्ष घर्ती र म्याग्दी धौलागिरी गाउँपालिका-२ घर भएका मीना होटेलका सन्चालक धनबहादुर भण्डारी तथा निजकी श्रीमती मीना थापा भण्डारीलाई नियन्त्रणमा लिएको छ । यसलाई प्रहरीको सफलताको रुपमा लिईएको छ ।

फेसबुकमार्फत कमेन्ट गर्नुहोस !