सोम शर्मा पर्वत २०७७ असार २१। पर्वत जिल्ला मोदी गाउंपालिका वडा नंबर ५ का २८ बर्षिय श्यामलाल सुनारले शनिबार बिहान आत्महत्या गरेका छन। जन आदर्श बोर्डिङ स्कुलमा प्रिन्सिपल समेत रहेका उनी आफ्नै घरको कोठामा रहेको दलिनमा झुन्डिएर आत्महत्या गरेका हुन। सोही दिन बिहान करिब ४ बजेको समयमा पिशाब फेर्न भनी गएको र फर्किएपछिको समयमा आत्महत्या गरेको हुन सक्ने मृतकको आमाको भनाइ उदृत गर्दै जिल्ला प्रहरी कार्यालय पर्वतका प्रबक्ता प्रहरी निरिक्षक बुद्धि सुबेदीले बताएका छन ।
मृतकको बहिनीले बिहान चिया लगेर जांदा ढोका नखुलेपछी आमा र बहिनी मिलेर ढोका फोडी हेर्दा मृतक सुनार झुन्डिएको अबस्थामा फेला परेका थिए । त्यसपछि मृतकको काका पर्नेलाइ बोलाएर पासो काटी पिंढीमा सुताएको अबस्थामा रहेको प्रबक्ता सुबेदीले जानकारी दिए।
