टिकाराम भट्टराई, बुर्तिबाङ २०७७ साउन २३ । ढोरपाटन नगरपालिका वडा नम्बर ९ का ३७ वर्षिय प्रेम बिकको घाटीँमा पलाएको मासु बढ्दै गएपछी क्यान्सरको संका गरिएको र पारिबारिक आर्थिक अभावका कारण उपचार गर्न समस्या परेकोले शुभेच्छुकहरुबाट आर्थिक सहयोगको अपील गरेका छन् ।
उपचारको निम्ति पोखरा स्थित गण्डकी मेडिकललमा गएको तर त्यहाँबाट तत्कालै अप्रेशनको निम्ति काठमाडौँ स्थित वीर अस्पतालमा रेफर गरिएको थियो । यदि समयमा मा तत्कालै अपरेशन नगरे क्यान्सर हुन सक्ने चिकित्सकले सुझाएका र यसका निम्ति करिब ५ लाख बराबरको धरौटी राख्नुपर्ने बताएपछी बिकको परिवार आर्थिक समस्यामा परेको हो ।
हामी सबैले मानवताको हिसाबले सक्दो सहयोग गरेउँ भने उहाँको राम्रो उपचार भै जीवन बचाउन सक्नेछौँ भनेर वडा कार्यलयको सिफारिसमा युवाहरुले प्रेम बचाउ अभियान सन्चालनमा ल्याई आर्थिक संकलन कार्य अगाडी बढाएको स्थानीय बोमबहादुर बि क ले बताए । जे जति सहयोग गर्न सक्दछौ त्यसरी नै सहयोग गर्न अभियानले आग्रह गरेको छ । तपाई हाम्रो सानो सहयोगले कसैको ज्यान बचाउन सकियो भने त्यो जति धर्म र पून्य केही हुदैन । समस्यामा परेका बि कलाई सहयोग गर्न र उहाँको विषयमा थप बुझ्न चाहेमा बोम बहादुर बि.कको ९८४३७१००७२ / ९८६६५८१६७८ मा सम्पर्क गर्न सकिने छ । साथै इच्छुकले सहयोयको निम्ति बुर्तिबाङमा रहेको गरिमा बिकास बैङ्कको खाता नम्बर ०२६०१९००७१८३४३०००१ मा रकम जम्मा गर्न सकिने समेत बताईएको छ ।
