बागलुङ २०७७ साउन २८ । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले गएको २४ घण्टामा १० हजार ४८१ जनाको पीसीआर परीक्षण गरिएकोमा ४८४ जनामा कोरोना संक्रमण पुष्टि भएपछी नेपालमा कोरोना भाइरस संक्रमितको संख्याले २४ हजार ४३२ पुगेको बताएका छन् ।
प्रवक्ता डा। गौतमका अनुसार नेपालमा सक्रिय संक्रमितको संख्या ७ हजार ६ सय १३ रहेको छ भने कोरोना संक्रमण माथी विजय प्राप्त गर्नेको संख्या १६ हजार ७२८ पुगेको छ । यस महामारीबाट मृत्यु हुनेको संख्या ९१ पुगेको छ ।
मन्त्रालयका अनुसार अहिले सम्म आइसोलेसनमा ७ हजार २०१ रहेका छन् भने अहिले क्वारेन्टाइनमा ११ हजार ५८ जना रहेका छन् ।
