रामप्रसाद घिमिरे, बुर्तिवाङ २०७७ भदौ १८ । अबिरल वर्षाका कारण भूजी खोलामा आएको बाढी पहिरोका कारण ढोरपाटन नगरपालिका वडा नं ७, ८ र ९ मा जनधनको अपूरणीय क्षेती भएको छ । हाल सम्म १३ जनाको शव भेट्टिएको छ भने २५ जना अझै बेपत्ता छन् । साबिक बोवाङ गाविसको अवस्था कारुणिक छ । गाउँमा रुवाबासी छ । आफन्तजन गुमाएकोमा स्थानीयबासी भावविव्हल बनेका छन् ।
बाढी पहिरोबाट पुगेको जनधनको ठुलो क्षतीको निरीक्षण गर्न प्रमुख जिल्ला अधिकारी सुरेश न्यौपानेको नेतृत्वमा घटनास्थल पुगेको जिल्ला सुरक्षा टोलीले बाढी पहिरोको स्थलगत अवलोकन गरी पीडितहरुको उद्धारमा सक्रियताका साथ लागेको छ ।
बाढीपहिरोले बुर्तिवाङ ढोरपाटन सडक छियाछिया बनेको छ । स्थानीयलाई आवत जावतमा समस्या सिर्जना भएको छ । लाखौँका भौतिक संरचनाहरु बाढीले नष्ट भएका छन् ।
