ताराखोला गाउँपालिकामा भोलि देखि बिद्यालय संचालन गरिने

पूर्णभद्र निउरे, ताराखोला २०७७ असोज १० । कोरोना भाइरसको जोखिमका कारण गत चैत देखि नै बन्द भएका ताराखोला गाउँपलिका भित्रका विद्यालय भोलि देखि खुल्ने भएका छ्न । बुधबार सम्पन्न गाउँ शिक्षा समितीको बैठक र शनिबार सम्पन्न प्रधानाध्यापकहरुको बैठकले भोलि देखि बिद्यालय संचालन गर्ने निर्णय भएको गाउँपालिकाको शिक्षा शाखाका प्राबिधिक सहायक युवराज शर्माले जानकारी दिए ।

गाउँपालिका भित्र समुदायस्तरमा कोरोना संक्रमणको उच्च जोखिम नदेखिएको र जोखिम न्यूनीकरण हुने गरि आधारभुत स्वास्थ मापदण्ड कायम रहने गरि प्राथमिक तह को १-५ कक्षा नियमित ६-१२ को कक्षा बिद्यार्थी संख्या हेरी जोर बिजोर प्रणाली संचालन गर्ने तयारी गरिएको ताराखोला गाउँपालिकाका शिक्षा अधिकृत सबिता केसीले बताईन् ।

फेसबुकमार्फत कमेन्ट गर्नुहोस !