बागलुङ २०७७ असोज १४ । बागलुङ जिल्लामा आज ७ जना कोरोना संक्रमित थपिएका छन् । स्वास्थ्य निर्देशनालय पोखराका अनुसार आज संक्रमण पुष्टि हुनेहरुमा बागलुङ नगरपालिकाका ५ जना पुरुष र जैमिनी नगरपालिकामा एक जना ५२ वर्षिया महिला सहित २ जना रहेका छन् अन्य ६ जना संक्रमित पुरुषहरु ३३ देखी ६१ वर्ष उमेर समुह रहेका छन् । आज थपिएका संक्रमितहरुमा ३ जना आर्मीका र २ जना प्रहरी रहेको बताईएको छ । बागलुङ नगरपालिका ११ का ३३ वर्षिय पुरुष सार्वजनिक सवारी चलक हुन् । उनि भारतबाट आउनेहरुलाई गाडीबाट ल्याउने गाडीका चालक रहेको बुझिएको छ ।
ढोरपाटन नगरपालिकामा कोरोना संक्रमण पुष्टि भएर आईसोलेशनमा बसेका १४ जना मध्य ५ जनाको रिपोट नेगेटिव आएपछी उनिहरुलाई बिदाई गरिएको छ ।
स्वास्थ्य कार्यालय बागलुङका अनुसार जिल्लाका विभिन्न आईसोलेशन कक्षहरुमा हिँजो असोज १३ गते सम्म जम्मा पोजेटिव संख्या ६७ जना रहेकोमा आज थपिएका ७ जना समेत ७४ जना पुगेको छ भने यससंगै जिल्लामा कोरोना संक्रमितको संख्या ३९८ पुगेको छ । स्वास्थ्य शाखाका अनुसार जिल्लामा कोरोना निकोहुनेहरुको सख्या ३२३ रहेको छ । जिल्लामा कोराना संक्रमणबाट एक जनाको मृत्यु भएको छ भने हाल क्वारेन्टाईनमा रहेकाहरुको संख्या ९१ रहेको छ ।
स्वास्थ्य कार्यालय बागलुङबाट हिँजो प्रकाशित अद्यावधिक विवरण
