छविलाल पाण्डे, बुर्तिवाङ २०७७ कात्तिक ५ । ढोरपाटन नगरपालिका ८ मसालगाउँका मगरसमुदाय द्धारा विभिन्न दुर्घटनामा परि ज्यान गुमाएका तथा घाईते परिवारलाई राहत हस्तान्तरण गरिएको छ ।
शुभ दिपावलीको अवसरमा मसालगाउँमा रहेका १२ घर मगर दाजुभाईव्दारा खेलिएको देउसि एवम मारुनी नाचबाट सँकलन भएको रकम मध्ये २८ हजार ८० रुपैयाँ पिडित परिवारका निम्ती हस्तान्तरण गरिएको टेकध्वज घर्तिले बताए । टोलीले बाढीका कारण ज्यान गुमाएका २ परिवारका निम्ती पाँच÷पाँचहजारका दरले, ढोरपाटन नगरपालिका २ चुरेलाबासमा मोटरसाइकल दुर्घटनामा ज्यान गुमाएका र घाईते दुई जनाका निम्ती पाँच ÷पाँच हजार र गाउँमा सहयोगिको रुपमा कामगर्दे आएका एक जनाको निधन भएपछि परिवारको आर्थिक अवस्था नाजुक रहेको भन्दै ८ हजार ८० रुपैयाँ हस्तान्त्रण गरिएको जनाइएको छ । समुहका केयरसिँह घर्तिको नेतृत्वमा राहात हस्तान्तरण गरीएको जनाईको छ ।
