कमल पौडेल खर्वाङ २०७४ जेठ २० । घटना दर्ता तथा सामाजिक सुरक्षा भत्ता वितरणमा सुचना प्रणलीको प्रयोग सम्वन्धी चार दिने तालिम खर्वाङमा सुरु भएको छ ।
बागलुङ क्षेत्र नं. ३ भित्रका वडा सचिव तथा सामाजिक परिचालकहरुको लागि संचालन गरिएको तालिममा जिल्ला समन्वय समिति बागलुङका मिन वहादुर थापा र राजेन्द्र शर्माले सहजिकरण गरिरहेका छन् ।
आज भएको उद्घाटन कार्यक्रममा वडीगाड गाउँपालिकाका अध्यक्ष मेहरसिंह पाइजाले सरकारी सेवा प्रविधि मैत्री हुनु पर्ने वताए ।
कार्यक्रम वडीगाड गाउँपालिका वडा नं. २ का अध्यक्ष विष्णु भुसालको अध्यक्षता, वडा सचिव गिता पौडेलको स्वागत मन्तव्य तथा थम्मन रेश्मीको संचालनमा सम्पन्न भएको थियो ।
तालिम पश्चात व्यक्तिगत घटनाका कार्य सुचना प्रणाली मार्फत गर्ने वताईएको छ । यस अघि जेठ १५ गते वाटै घटनादर्ता सुचना प्रणाली मार्फत गर्ने वताइएको थियो।
